魚之舍

安仔為 Sammi抹眼淚

鄭秀文（ Sammi）前晚演出尾場紅館個唱，唱到《不要驚動愛情》及《給自己的信》時均淚流披面。擔任嘉賓的 The BIG FOUR為她獻唱《 Amazing Grace》時， Sammi也忍不住落淚，她表示非關愛情，純為感動而哭，舊愛許志安除體貼為她拭淚外，還買了 100張她的福音碟以示支持，並指 Sammi在他心中的地位「盡在不言中」。

鄭秀文共 10場個唱前晚在紅館圓滿畫下句號，可能因太多嘉賓捧場的關係，前晚等到 9時才開騷，不過觀眾反應仍相當熱烈， Sammi感動得哭了三次，先是她唱自己對感情看法的歌曲《不要驚動愛情》時，邊唱邊淚流披面，唱罷她抹着眼淚說：「我唔係冇拖拍先喊，係因為見到你哋好感動，係開心眼淚。」

健仔：自信返晒嚟

前晚表演嘉賓是許志安、張衞健、蘇永康及梁漢文組成的 The BIG FOUR，四人先與 Sammi合唱《火熱動感 la la la》，唱完後 Sammi逐一與他們擁抱，抱到安仔時觀眾不停大叫。及後 4人穿上 Sammi的誇張衣飾再亮相，最好笑是光頭的張衞健戴上金色長假髮，不停說英文扮外籍女人，他又謂：「好耐未試過咁多頭髮，成個人啲自信返晒嚟。」
後來安仔表示買了 100張 Sammi的福音碟做慈善，之後他又謂 4人帶了一份上天賜予的禮物來，着 Sammi合上眼睛，然後他們唱出《 Amazing Grace》，全場觀眾和唱， Sammi感動得第二次落淚，安仔即體貼地上前為她抹眼淚。
待 Sammi落台換衫，安仔等 4人談及對她的感受，安仔說：「呢個女人喺我心目中嘅地位，係唔可以用事件去講，只有 5個字：盡在不言中。」他們還合唱 Sammi參加新秀比賽時的歌曲《乾一杯》。

「緣份隨遇而安啦」

Sammi在尾場換了兩套新歌衫，又安歌兩次，最後唱鍾舒漫的《給自己的信》時，她第三度落淚，個唱到 12時 06分才告結束，主辦單位要被場館罰錢。 Sammi在慶功宴上說：「我第一場開始聲帶發炎腫脹，有幾晚綵排都失聲，係宗教嘅力量支持我，好多謝林生（林建岳），佢話真係唱唔到，寧願賠錢畀觀眾，佢大把錢。」
Sammi又強調唱《不要驚動愛情》時哭，不是因為冇拖拍，她說：「信主後我內心好安穩，乾旱嘅沙漠唔係我諗，係跟稿讀，我覺得緣份隨遇而安啦。」談到舊愛安仔買 100張碟支持，她說：「唔係用錢衡量，係心意，我好開心。」至於安仔謂對她的感覺盡在不言中，她說：「咁繼續唔好講嘢，繼續盡在不言中啦。」