想信提起 鯉魚門, 大家一定會想起 好多好好味 的 海鮮
有魚, 有蝦, 有蟹, 有聖子, 有鮑魚, 有瀨尿蝦, 有蜆,.......
真係數幾多有幾多,
但係唔知大家有無留意到
其實 鯉魚門 仲有 一些 看似不起眼, 看似不名貴 的 食物呢!?
當大家都留意到巷兩邊有多間 海鮮酒家 之餘,
其實 仲有好多賣 懷舊小食 的 小店舖呀!!
最吸引便是新鮮出爐的時候
那種香氣真的難以抵擋
不期然便會把你 "吸" 左去!! 嘿!!
ha! 講左咁耐, 好似仲未話比大家知我所講咁的 懷舊小食 o係咩喔!
就係佢地囉.....
原味 蛋卷 及 雞蛋仔 @ $15/盒
雖然只係簡單的成份 - 麪粉, 雞蛋
但那香口的程度絕不比其他出名的品牌食物遜色呀!
你睇.....一口一片, 脆卜卜!!
因為佢係即日做即日賣出,
所以都是"新鮮"的, 沒有特別的加封包裝
買左之後最好盡快食啦!!
我買左返去翌日開左黎食,
為左佢, 仲特意沖左一杯 hot coffee 陪襯陪襯
真係話咁快就食左半盒!!
我覺得其實所謂的 懷舊小食,
除了是味道令人回味之外,
便時品嘗那食物時,
會回憶起以往的細膩片段,
不論是悲是喜 都一一呈現眼前,
好像就在回味著昔日的情懷呢!
可想小時候, 只要給我們這簡單的小食便可以開心一整天呢!
回味, 欣賞, 咀嚼 的 何止 是食物,
更要懂得 檢視, 懷緬, 珍惜 於以往的種種經歷!
可知味淺情濃,
簡簡單單的味道便足以甜在心頭!
文章標籤
全站熱搜
